Во рамки на директниот телевизиски пренос на германската телевизија NDR беше прикажан настапот на компилацијата од маски „Струмички карневал“, составена од карневалските групи „Мулен Руж – Анита“, „Струмички Викинзи“ и „Мулен Руж“. Со својот впечатлив настап на карневалот во Брауншвајг, Германија, оваа карневалска целина беше прогласена за најдобра маска во движење.
Карневалот во Брауншвајг важи за еден од најголемите карневалски настани во Германија и е трет по големина во земјата, со учество на над 250 карневалски групи и алегориски возила.
